الولد لما يسمع صوت بنت هههههههههه

-المخلوق الارضي المزدهر- يروي..

كنت نايم.. وبعالم الأحلام هايم..
مش داري شو كنت أحلم
مرة احس اني سايق سيارة..
ومرة كنت مضيف بطيارة ..
كان الجو بارد..
وكنت متغطي وغاطس في احلامي..
رن التلفون
وقلت يا ترى انوه هذا ؟؟
هذا المزعج هل هو صديق ولا استعين بالجمهور هههههههه ..
هل هو عاقل ولا مجنون؟؟
رديت عليه وانا كلي شك وظنون !!
وبمنتهى الرقة بعد ما كنت عصبي ( بصراحة انا انسان حنون)
سمعت صوت ما توقعته :
ولا في خيالي تخيلته..
ولا حتى بحلمي سمعته..
بنت..





سمعت صوت بنت ( بنت يا عالم بنت بدي اعيط بنت اهييييي بنت ايهيهيههههي بنت)



قلت اهلين



وقالت اهلين..



قالتلي , نورا موجودة ؟؟



قلتلها وأنا رايح فيها..



لحظة شوي خليني اناديها..



وقعدت اصرخ واقول نورا نورا تلفووووووووون نورااا ؟ اخخخ يا قلبي ..



بس نورا ما بترد الظاهر انها طلعت ...



ومن جديد حطيت السماعة على ذاني وقوليت مش عارف وين راحت نورا مبين طالعة مع اهلي ..



وفجاة قولتلها .. لحظة اصلا ما في عنا بالدار نورااااا !!



فاتت البنت ببعضها وصارت اتمتم ..



وقالت متاسفة الظاهر غلطت بالنمرة ..



قلت لها ولا يهمك عادي ولا تزعلي ؟؟ اصلا ما عناش اسم نورا بس لاني نعسان معرفتش شو اقولك..



قالتلي , شكلك كنت نايم..



قوليت لا.. اسع ما نمتش كنت اسهر ..



قالتلي , شو كنك كنت تراجع على دروسك ؟؟



قلتلها , الدراسه خلص بح بوس الواوا اح ..



انتي مبين عليكي بتراجعي ؟؟



كيف امتحاناتك ؟؟ ان شاء الله متريحة معهن ؟..



قالتلي ظايل يومين وبنخلص امتحانات .. والله خايفة من مادتين ..



قلتلها من الامتحانات ما تخافي طالما بتراجعي ليل ونهار وتوكلي على الله ..



وزي ما بتعرفي من زرع حصد ..



واهم اشي انك قبل الامتحان ما تنسي انك تحمدي الله وتدعي انه ينجحك .



وتعوذي من ابليس الي ربنا خلقه من نار واحنا خلقنا من طين .. هذه نصايح مهمة لازم تحطيها براسك .. ( اوووف صاير اعطي نصايح زي تقول بحكي مع حبيبتي)



قولتلها شو امسك قصدي شو اسمك هههههه صوريت بدي امسك ههههههه ..



قالتلي انا اسمي "مها" وقولتلها انا اسمي مخلوق ..



وقولتلها سبحان الله صدفة غريبة احنا الثنين في باسمنا حرف الميم ...



قالتلي , بتصدق كنت حابة يسموني نوال !!!



قلتلها ... يا محاسن الصدف تخيلي اني كنت حابب يسموني جمال ..



وقعدنا نتخرف في بحور الشعر ودخلنا عالم المواويل ..



وما همنا كلام الناس والغيرانين ..



وفجاة خلصنا حكي وما لقينا اشي ينحكى او ينقال ..



وسكتنا..



وبدلع قالتلي .. انت بتشجع مكابي حيفا ؟؟؟؟



قلت بيني وبين نفسي .. مش عارف شو اجاوبك اطرق راسك بطنجرة ملوخية ولا اطخ حالي ببندقية ... شو مكابي حيفا ما مكابي حيفا ؟؟؟؟؟؟؟؟؟ بالله عليك هذا سؤال بنسأل ؟؟؟؟



قلتلها مين بهلبلاد مين غير اتحاد سخنين ؟؟؟



سخنين حبة بالقلب مطحونة على الدرب والكاس مثل الهال من القلب ما بنشال ..



قالتلي , مكابي حيفا اهداف مثل النهر بتفقع وبتقهر قهر ..



المهم .. سكتنا كمان مرة ... بعد ما انطفينا من التشجيع !!!!



وصار حبنا يشيع ...



قالت : مخلوق



قلتلها : عيون مخلوق !!



قالتلي : اوصفلي شكلك ؟؟



قولتلها : اسمعي .. العرب لونهم واحد ولسانهم واحد .. واحلف بالله اني ماني طويل طويل ولا انا قصير شعر اشقر فاتح ومش ناعم مثل الحرير ..



قالت والعيون ... قلتلها , نص شبر ..



قالتلي حلو كثير ... قلتلها انت الي احلى من كل طير .. كخخخخخخخخ داير اتغزل فيها ..



والمهم تواعدنا ... والموعد كان في الكنيون .. قررنا بين خوف ورهبة واصرار .. الامل خلانا نتخذ القرار بسرعة ...



وقضيت ليلتي في حيرة .. شو بدي البس ؟ جينز مع قندرة ؟؟ ولا اشي ثاني ..



ما في اشي يحل الحيرة الا صاحبي وهو يشفط ارجيلة ؟؟ وروحيت عنده اساله .. وفعلا لقيت الحل ..



ورجعت على الدار العن ايام زمان وابتسم للايام الجاية .. والله والدنيا ضحكت بوجهي !!!



وبصعوبة عرفت انام .. قعدت اتقلب شمال يمين على ظهري وعلى بطني ..



يا قلبي مالاك مش عارف تنام , اخ من الحب وسيرة الحب .. عنجد الحب عذاب ..



غريبة هالدنيا غريبة ..



الليل صار يمشي شوي شوي وانا استنى الشمس تطلع .. وكل ما الوقت يقرب قلبي دقاته تزيد ..



اليوم موعدي , وصوريت اغني انا والشوق لمريام فارس ..



وهوب من الصبح بدري صوريت ارتب بنفسي واحط على شعري "جل" وامشط , اغسل شعري من جديد وامشط مرة ثانية , واحط "جل" وأرد اغسل كمان مرة وامشط تمشيطة غير شكل جديدة شوفتها بالكاتالوج .. وارفع شعراتي شعرة شعرة واعطي التصريح النهائي بالاستعداد للخروج من البيت .. اطلع من البيت وانا لابس نظارتي احح احم مثل نجوم لويهود لع لع هوللللود لع لع هلووود لع لع .. المهم مثل النجوم دشروني من السياسة هههه ..



طلعت بالسيارة واخيرا وصلت مكان اللقاء .. وتغيرت حتى خطواتي .. صرت ارتجف بمشيتي .. واتنحنح بصوتي احم احم .. وكاني بجهز بحالي للموت وهذه نهايتي ..



يا عيني علي يا عيني "حولي وحوالاي" العطر عطر ( حااااااااااااااااا ريحته بتدوخ)..



فعلا هذه اكبر بطولاتي ...



واذا خسرت بتضيع احلى امنياتي ..



صوريت ادور والف في مكاني ..



وين هذيك العين الي عليها قلبي ملهوف ..



وفجاة



وصلني اس ام اس ..



بقول ..



سويتها فيك .. وبسرعة عيوني ذبلوا ..



ارجع على داركم واوعك تخرف حدا عن الي صار فيك ..



روح نام .. وتعيش وتوكل غيرها ..



وبعد الاس ام اس الاول اجاني كمان اس ام اس مكتوب فيه .. سويتها فيك يا بطل ..



وبصراحة طملت راسي على الارض ووجهي صار لونه احمر ..



وصوريت اعمل باجري دوائر الخجل ...



وفجاة اختفيت عن الوجود اسبوعين .. لا احكي مع حدا ولا حدا يسالني انتي وين ؟؟





يلا جود باي لا تركضوا وراي

هههههههههههههههههه
اذا مش فاهمين كلمه احكولي بقلكم معناها
ههههههه
بس كيف حلوه؟؟