ماتفوت لهون

قلتلك ما تفوت لهون .....الدار الها حرمتها ....قلتلك ما تفوت لهون ... لتحط الحجه على راسها
شومالك ما بتفهم ؟؟؟؟؟؟؟....ما بتستوعب ؟؟؟؟؟؟؟؟؟؟؟؟؟؟؟.
لك اذا انت ابن عمي ....دارنا الها حرمتها ونسوانا كمان ....عيب عليك
ما انت ابن الدار ومطلوب تحافظ عليها متل ما حافظ عليها جدي الله يرحمه
ولك ليش عمتقلع الشجر .... اترك البير ما ترمي فيه حجر .... شو انجنيت ؟؟؟؟
مالشجره النا كلنا ...ابوك اله حصه كمان ...وابوه هو جدنا ....والبير بيرنا
والمي للكل ...هيك علمنا جدنا ...ليش بترمي الحجر ؟؟؟؟؟؟؟...ليش بتكسر الشجر ؟؟؟
اسمع ....ان ما بدك تلزم حدودك ...رح اعاملك معامله عدو والله ...رح امنع عنك الشجر والمي
رح اسكر كل شي بوشك ...رح اخلي كل اهل الدار يحاربوك ...يا عيب الشوم عليك
كيف لو انه هويتك مش متل هويتنا ؟؟؟؟؟؟ واسم جدك متل اسم جدنا ؟؟؟؟؟؟؟؟؟؟؟
لك شو عمتعمل ؟؟؟؟؟ شو هاد يللي مخبيه ورا ضهرك ؟؟؟؟ شو هاد يللي عمبيلمع بايدك ؟؟؟
لك اخخخخخخخخخخخخخ ....ليش هيك عملت يا ابن عمي ؟؟؟؟؟؟؟
توقعت كل شي منك ؟؟؟؟؟ توقعت انك تغدرني .....لانك ما احترمت الحج والحجه ...ما احترمت
الشجر والحجر ....ولا بير المي ....ابعدني يا ابن عمي عن بير المي اخر طلب بطلبه منك
ابعدني عشان ما يختلط الدم بالمي ....لانه عمره ما صار الدم مي ....ولا رح يصير المي دم.

ما قلتلك ما تفوت لهون
معتز
مع خالص تحياتي للجميع