ضيف الأسبوع التاسع والعشرون...الرفيقه "الجورية الحمراء"

النسر الأحمر كتب:رفيقتى الجورية الحمراء
شو رايك فى واقع الفلسطينين فى السعودية
سؤال بسيط
بس طبعا لى عودة

ابنة الحكيم كتب:نورتي الكرسي يارفيقة
لدي كم سؤال اتمنى ان لااكون اثقلت عليك فيهم
1-كأحد أعضاء أو مميزين لو استلمتي مفتاح قيادة ملتقى النسر الأحمر ليوم ما هي خطتك
ما راح اعمل اكتر من يلي انعمل لانو المنتدى مميز والرفاق يلي بيه جعلو اكتر تميز
2-ماذا ستكتبي لنا لتعبري عن حياتك التي عشتها إلى الآن في كلمات قليله ؟
انا عشت في السعودية 18سنة يعني مجتمع محافظ كتير ولما رحت عالضفة اكتشفت اني كنت عايشة بعالم تاني
والناس يلي بيها ناس من عالم تاني...لكن بعد 3سنين عيشة بيها
اكتشفت انو الكل عنو مبدأ(ان لم تكن ذئبا اكلتك الذئاب)
وانا صرت امشي على هاد الشي لانو متل ما بعاملك الناس عاملهم!!
3-إذا أردت أن تبكي الآن , فعلى من تبكي؟ومن ستختارين ليمسح دموعك؟
على كل لحظة ضيعتها مع ناس كنت عاملهم شي رئيسي بحياتي بالوقت يلي كنت انا بهامش حياتهم
بالنسبة لدموعي راح اختار شخص تكون دموعي غالية عليه وبتألم لما يشوفها وما بفكر بيوم يكون سبب بنزولها
4-هل هزمك حزنك في يوما من الأيام؟
دايما
5-(( اللي راح راح وماتفيد كلمة ياريت )) إذا أردت إن توجه هذه العبارة لنفسك, فماذاتقصدي بها ؟
اكيد راح اقصد التجربة يلي مريت بيها بالضفة_للمعلومة فقط هي مو تجربة عاطفية_للحتى ما يروح فكر حدا لبعيد
هههههههههههههه ماشي؟؟
6-غمضي عينيكي دقيقة لو سمحتي, ماذا خطر على بالك وأنت مغمضة العينين ؟
امممممممممممممممم سر ما راح احكي..طيرو
7-هل كنت السبب في يوما من الأيام في تدمر حياة شخص ما سواء العملية أو الاجتماعيه أو العاطفية؟
للاسف نعم بس انا ما كان عندي علم بهالشي
للحتى اجى صاحب المشكلة وحكالي وطبعا انا كنت متل الاطرش بالزفة
لانو كان مفكر انا السبب بخسارتو شغلو
8-إذا تم تعيينك ملكة لجميع البلاد العربية فما أول قرار ستتخذه ؟
اممممممممم راح اشيل الحدود وكل واحد بيقدر يسافر بدون جواز وتصاريح وهيك شغلات
9-من هو أكثر شخص تفكري فيه؟
صديقة الي تركتها من زمان
10-هل تكرهي شخص بشده في حياتك ؟
نعم للدرجة اني مستحيل اسامحو لليوم الدين
بس لا تفكرو اني انسانة حقودة..الظلم صعب كتير
11-ماالذي يلفت انتباهك بسرعة في الشخص لكي تعجبي به ؟
طريقة كلامو
12-حكمة تؤمني بها جدا؟؟
لا تجعل قلبك كالارض يداس عليه
بل اجعله كالسما من الصعب الوصول اليه
13-أي الدول تتمني أن تزوريها ؟
تركيا
14-اعتذار تريدي أن تقدميه لمن؟
لكل انسان غلطت بحقو بقصد او بدون قصد
وللاعضاء كمان اذا غلطت بحق حد فأنا اسفة
15-مارايك بكل من
النسر الأحمر
انسان واعي كتير وعليه شوية نكشات هههههه
بنت أبو الميساااااا
رائعة جداوطيوبةا
ابووطن
التميز عنوانو
ماركسي
عصبي لكن متسامح
ريتااا
التفاؤل كلو والحياة
ابنة الحكيم
همتها عالية
16-جمال الحياة عندك أين يكمن؟
عندما اكون بمفردي

جيفارا غزه كتب:

الى الرفيقة /// الجورية الحمراء

اهلا وسهلا بكى على كرسى الاعتراف

وبنتمنى انك تقضى اوقات سعيدة مع كرسى الاعتراف

واسئلتى اليكى كالتالى :-

1. كيف تعرفتى على الملتقى وحين تسجيلك فى الملتقى هل كان هناك نية للتفاعل ام اخذ ماتريدين ثم تخرجى ?
عن طريق صديق

2.هل تتوقعى النجاح للملتقى بشكل اكبر ؟
نعم..لانو مميز والاعضاء يوم عن يوم بيزيدو بيه وتميزهم بزيد كمان..وبتمنالو التقدم والنجاح دايما

3.هل لكى انتقادات على مدير الملتقى والهيئة الأدارية والمشرفين ؟
كلهم رائعين ومميزين..بالنسبة للمدير السيد النسر بس خليي يخف علينا شوي!!

ههههههههههههه

4.اوصفى نفسك بأربع كلمات !!!
متواضعة..حساسة..متسرعة..وبحب اكون لوحدي دايما

5.من هو أكثر رفيق نشيط فى الملتقى ومن اكثر رفيقة ومن هو انشط مشرف , وانشط مشرفه ؟
الكل مميز ونشيط بس اكتر رفيق بصراحة والله وبدون مجاملة هو انت رفيق يعني لو حدا تاني سألني نفس السؤال راح اقول انت والله ..والرفيقة الاكتر نشاط عاشقو ارض الوطن.......المشرف الانشط ابو وطن..والمشرفة الانشط بنت ابا الميسا

ارجو ان لاأكون قد اثقلت عليك ودمت بود

ولا يهمك رفيق انت بتمون

@@@ جيفارا غزة @@@

ابو وطن كتب:تحياتي اهلا وسهلا فيكي بكرسي الاعتراف
اهلين بيك رفيق
- شو كان شعورك لما شفتي اسمك على كرسي الاعتراف
انصدمت عالاخر وخوفت كتير ولسة للحد هسة متوترة
-ماذا تعني لكي فلسطين
فلسطين بلدي وكل واحد بحب بلدو لكن يمكن انا مو كتير بعرف عنها
لاني عشت بالسعودية وكمان مو كتير بحب اروح عليها
لانو بكون لحالي بدون اهلي
لكنها مع هيك بضل بلدي وبتمنى اني اموت بيها واندفن بترابها
-مارايك ب
النسر الاحمر
حكيت عنو سابقا
حكيم الثورة
بصراحة انا مو كتير بعرفو لكن من مواضيعو بعتقد انواسم عامسما..حكيم
ماركسي
كمان حكيت عنو
عاشق جيفارا
مرح كتيروقلبو طيب لكن بيزعل بسرعة
ريحانة القلوب
انسانة سابقة سنها وتفكيرها تفكير انسان واعي وبالغ
فتاة الاسلام
كمان مو كتير بعرفها لكن هي انسانة هادئة ومتواضعة
بنت ابا الميسا
حكيت عنها سابقا كمان
جيفارا غزة
بعتبرو اب كل يلي بالمنتدى
ابو وطن
وكمان حكينا عنك يارفيق
وولي عودة ان شاء الله

النسر الأحمر كتب:رفيقة
انتى تخصصك لغة عربية
لما اتخذتى هذا التخصص دون غيره
لاني ادبي ومجال الادبي محدود
ما كان عندي غير العربي من بين التخصصات
يعني مصيبة اخف من مصيبة!!
مو حبا بالعربي...
قليل ما اكلت كتل من معلمات العربي!!
اخرها تعهد كتبتو وانا بالتوجيهي..اعطتنا المعلمة بيت شعر اعراب
وانا ما عرفت اعربو كتبتلها..لا محل له من الاعراب والله
هههههههههههههههههههههه
وهل تعتقدين ان اللغة العربية صعب
مووووووووووووووووت والله
وماهو أجمل صدفة وقعت معك
امممممممممممم
ما بعرف
وهل تؤمنين بالحظ

مكسيم غوركي كتب:رفيقتي الجورية الحمراء
تحية الثورة وشرف الانتماء ...
رفيقة بعد أذنك عندي سؤالين ... اذا بتحبي جاوبي عليهن
اهلين بيك رفيق.....وليش ما بدي اجاوب يعني!!
1- رفيقتي كيف تعرفتي على ذاتك ...؟؟؟
بصراحة بعد ما خلصت التوجيهي ورحت عالضفة عالجامعة اكتشفت انو
يلي تعلمتو بالمدرسة شي والواقع والدنيا شي تاني..
واكتشفت اني كبرت كتييييييير بتلات سنين يلي عشتهم هناك لوحدي
لهيك يوم عن يوم بكتشف شغلات جديدة بنفسي
شغلات ما كنت اتوقع بيوم انها تكون فيني انا....
2- رفيقتي يقول ابن خلدون بمقدمتة " انت منذ الآن غيرك " ... فهل انتي انتي ... ام انتي غيرك ؟؟؟
انا انا وما راح اكون غير انا
عاقولة المغني ادم.......هذا أنا وماقدر أكون غيري أنا!!!
واسف على الازعاج
ولا يهمك رفيق لا ازعاج ولاشي
نووووووورت
رفيقك الى ما بعد التراب
مكسيم غوركي

ابو وطن كتب:اجتك سفرة على لبنان وبالصدفة وانتي تهرولين باحد شوراع لبنان قابلتي الفنانة فيروز ماذا تطلبين ان تغني لكي ؟؟
ام تكتفين بصورة معها ؟

ياريت اني اشوفها للست فيروز بشكل شخصي
اكيد راح اتصور معها مو صورة البوم صور..طبعا اذا هي قبلت هههههه
وراح اطلب منها تغنيلي اغنية طل وسألني وطيري يا طيارة
في حال عصفت بكي رياح الحزن ولايوجد امامك طريقة على النسيان سوى لرقص على اغنية حزينة او الرقص والدموع تملا
اكيد راح ارقص ودموعي تملا عيوني
لاني راح ارتاح اكتر لما ابكي ودموعي بتفشلي قلبي وقهري عينيكي ماذا تفضلين ولماذا ؟

بنت الشعبية كتب:منورة الكرسي ياجورية الملتقى
وسؤالى واحد بس الو تشعبات كتيرة

-شكلي وزراة من اعضاء ملتقى النسر الاحمر وتكونين انت رئيس الوزراء مع اقناع مجلس النسر التشريعي سبب اعطاء الحقيقة لكل عضوو
*وزير/ة الداخلية
النسر الاحمر
*وزير/ة الخارجية
أبو وطن
*وزير/ة الدفاع
ماركسي
*وزير/ة الصحة
تشي ليلى
*وزير/ة المالية
ريتا
*وزير/ة التعليم
جيفارا غزة
*وزير/ة الشباب والرياضة
نائل
*وزير/ة العمل
ريحانة القلوب
*وزير/ة التخطيط
بنت ابا الميسا
*وزير/ة الاسرى والمحررين
نسر الامل
ليش اعطيتهم الحقائب هاي ما بعرف
لكن بعتقادي انها بتناسبهم كتير
وهن بناسبو المناصب هاي
اتمنى ان لا أكون قد أطلت عليكي

النسر الأحمر كتب:مسا الخير رفيقة واهلا وسهلا فيكي على كرسي الأعتراف
وراح تعترفى يعنى راح تعترفى
1.. من هيَ الجورية الحمراءومن تكون
جورية تبتت في بستان الحياة الصعية..حاولت النمو والازدهار رغم عواصف الدنيا
رغم رياح الغدر ورغم رعود الخيانة وبرق الجفاء نبتت وازهرت لكن بأشواك حادة كي تحمي نفسها
من اي حاقدا يريد قطفها واقتلاعها من جذورها
2.. هل العمر يعني لكِ شيئ
اكيد بعنيلي كتير...
3.. احلامك تحاسبيها
ما بقدر لانها خارجة عن ارادتي
4.. شيئ يجعلك سعيده ورغم حزنك
وجود شخص يحاول الاخذ من ابتسامته ليرسمها على وجهي
5.. صفات تحبينها و تكرهينها بنفسك
بحب العناد الموجود فيني
بكره شكي بالناس..بس هاد كمان خارج عن ارادتي
6.. يوم من الايام ندمتي على شي
ما في حدا الا بتمر عليه لحظات بندم بيها عاشغلات عملها
لكن يلي صار صار وان شاءالله بكرا بكون احسن..لانو الندم ما بفيد
7 اكثر مكان تحبين تذهبين اليه
بحب بيتنا يلي بفلسطين مع اني مو ساكنة بيه
لكن كل ما كون متضايقة بحب اروح عليه واكون لوحدي
بتذكر اهلي وهن بعاد عني