من طرف صالح صلاح شبانة الجمعة فبراير 27, 2009 9:55 pmالجاجه لِقرُقه
صورة تراثية عاشها وعاصرها واستوحاها
الداعي بالخير : صالح صلاح شبانة
Shabanah2007@yahoo.com
جاجتنا اللي بقت تتهدرس قاع الدار مثل سخل زغير،
بقت تنقب العلف ، وتلاقي الغبره عابقه فوق راسها
كل ما نبشت برجليها وحفرت ،وبقى حوش ستي ....
فيه سبعين قولوا تسعين جاجه وديك دُرّة تاجها
بقى الديك يبقى معنقر بين الجاجات ، ولا ناطور العين ..
بين الصبايا والبنات ، يتحفتل للجاجه وين ما شافها
ويوم ما حسيناها غير بتقرق ، تغير صوتها ،
وصارت نغمة أمومه تظهر عَ تصرفاتها وسلوكياتها
زغرتت الفرحه بعيون ستي الخبيره بهيذ شؤون ،
يا فرحة القلب ، يا ترى قديش بدهن يزيدن جاجاتها ؟
وودتنا عَ الجارات ، عَ كل دار فيها ديك ، تتجيب بيض
ونّقعِد الجاجه ، وثلاث اجمع ، والخير يحل حذاتها
وتشوف الصيصان بتزعِّق وبتصوّصوّ ، والجاجه تُقرق
حلم تخيلته وعاشت في عقلي ذكرياتها
وكل ما تغفل عين ستي ، أزرق عَ الخُم ، تلاقيني الجاجه مثل الصقر
تهيص وراي ، وانهزم من قُدامها
رغم إنهن الواحد وعشرين يوم مرقن عني دهر طويل ،
وأنا أستنى ها لحلم ، أشوف الجاجه وصيصانها
وكأني ما شفت صيصان !! هو أنا شفت كثير ،
بس جاجة ستي غير عن جاجات الجيران وقرُقاتها
يوم الواحد وعشرين تسمرت قدام الخم ،
وعَلطِت لستي وسيدي ولكل العيله ، شوفه ما إلها مثيلاتها
ويوم الصوص يُنقر البيضه ، ويُنفض قشرها ويفط ...
واقف عَ رجليه ، أحس إنها الدنيا فرحت بحالها ومالها
وإنها لامست قلبي ، وها لشوفه للميلاد ما صارت ،
كل الشوفات بقت لسيدي وهو بالموس يملد رقابها
وتتفعفل الجاجه بدمها ، وبعدين ستي تمعطها وتطبخها ،
ونقرقط عظمها قبل لحمها ، وتشويلنا معلاقها
بس صوص ينولد !! يا سلام قديش الفرق .......
بين ما تشوف القتل والموت ، وبين ما تشوف جاجه تبدا حياتها
ساعات من الفرح عُمري ما انساها ، فقس البيض ....
إلا أكم من بيضه مَذرن، وطلعت لِقرُقه وولادها
كل ما قرَّبنا نحمل صوص ، تلاقيها زمرت ورانا فاتحه ثمها ،
وياما نقّوَرتنا ، و ياما صفقتنا ضربات بجناحاتها
بس بقينا نعذرها ، وما حقدنا عليها ، وستي ......
لمّا بقت تشوفنا نقامدها ، تلحقنا بالمكنسه تكت عَ روسنا قشاتها
وتوخذنا بالحكمه ! يَ ستي دشروا لِقرُقه ، وما حدا يزعجها ،
هذي بتحب اولادها ، وبتتعَوّروا إذا ظليتوا وراها
بس شو بده يقنعنا وشقاوة الأطفال مسيطره عَ تصرفاتنا ؟
والعبث والمعرفه ضاربه علينا طنابها ؟؟
بقت ستي معلنه الطواري ، وهي تدافع عن الجاجه من قردنتنا ،
مشان ما نطول بالأذى صيصانها !!
وبطلنا نسمع خراريف ، ولا نستوعب حكمه ، ولا نستمتع بلقمه ،
حياتنا حوالين لِقرُقه وصيصانها كرّسناها
بس لمّا بقى سيدي يفوت الدار ، نلبد في القُرَن والزوايا ،
وبقت ستي تهددنا بسيدي ، وما نفذت تهديداتها
ستي بقت حنونه ، مش مثل سيدي ايده ولِهواه ،
لما نتخنها تلاقي كفوفه ،رَّقعَت أصداغنا بهواتها
بس بقينا نحبه ، ما هو لازم واحد في العيله يبقى يخوِّف ،
هيذ الدنيا وهيذ أمورها وأحوالها
ولمّا كِبرِن الصيصان وصارن فراخ ، خفت الدهشة بالقرقه ،
وما عُدنا نلاحقها هي وأفراخها
وصارت كل فرخه تدّور عَ رزقها لحالها ، وبطلت لِقرُقه ...
تفرد جنحانها ، وتضمهن بدفا حنانها
لِقرُقه بقت رمز من رموز القريه ، قبل ما تطلع المزارع والمياكن ،
بقت للقرقه عزها ، وبقى إلها زمانها
قديش في هالايام حدا بحس ببهجة الصوص الزغير ؟؟!
وللجاجه الهبله اللي بدها لعندها ميتها وعلفاتها
بقت جاجة أيام زمان تكافح وتناضل تتطلع ألحبه من الأرض ،
وقالوا عنها : الجاجه رزقتها بين إجرَّياتها
وبقت الجاجه الذكيه ، خمسين ولد إيحَلّقوا تيمسكوها ،
وما تستسلم لحدا وتسلمه حياتها
وجاجة زمان بقت لحمتها طيبه ،وبيضتها طيبه ،
ووجودها في الحاره و الزقاق يزيد حلاتها
وجاجة زمان مرتبطه بزمن ستي وسيدي ، وبأكلة مسخن ،
وبقور المفتول ، وبعادات ما أحلا ذكرياتها
ما أحلا يُومِنّ نفردها عَ بساط البحث ،
ونقعُد مثل المسبحه نلقِط حبه حبه حباتها
تقرأ بلهجة أهل سنجل
صورة تراثية عاشها وعاصرها واستوحاها
الداعي بالخير : صالح صلاح شبانة
Shabanah2007@yahoo.com
جاجتنا اللي بقت تتهدرس قاع الدار مثل سخل زغير،
بقت تنقب العلف ، وتلاقي الغبره عابقه فوق راسها
كل ما نبشت برجليها وحفرت ،وبقى حوش ستي ....
فيه سبعين قولوا تسعين جاجه وديك دُرّة تاجها
بقى الديك يبقى معنقر بين الجاجات ، ولا ناطور العين ..
بين الصبايا والبنات ، يتحفتل للجاجه وين ما شافها
ويوم ما حسيناها غير بتقرق ، تغير صوتها ،
وصارت نغمة أمومه تظهر عَ تصرفاتها وسلوكياتها
زغرتت الفرحه بعيون ستي الخبيره بهيذ شؤون ،
يا فرحة القلب ، يا ترى قديش بدهن يزيدن جاجاتها ؟
وودتنا عَ الجارات ، عَ كل دار فيها ديك ، تتجيب بيض
ونّقعِد الجاجه ، وثلاث اجمع ، والخير يحل حذاتها
وتشوف الصيصان بتزعِّق وبتصوّصوّ ، والجاجه تُقرق
حلم تخيلته وعاشت في عقلي ذكرياتها
وكل ما تغفل عين ستي ، أزرق عَ الخُم ، تلاقيني الجاجه مثل الصقر
تهيص وراي ، وانهزم من قُدامها
رغم إنهن الواحد وعشرين يوم مرقن عني دهر طويل ،
وأنا أستنى ها لحلم ، أشوف الجاجه وصيصانها
وكأني ما شفت صيصان !! هو أنا شفت كثير ،
بس جاجة ستي غير عن جاجات الجيران وقرُقاتها
يوم الواحد وعشرين تسمرت قدام الخم ،
وعَلطِت لستي وسيدي ولكل العيله ، شوفه ما إلها مثيلاتها
ويوم الصوص يُنقر البيضه ، ويُنفض قشرها ويفط ...
واقف عَ رجليه ، أحس إنها الدنيا فرحت بحالها ومالها
وإنها لامست قلبي ، وها لشوفه للميلاد ما صارت ،
كل الشوفات بقت لسيدي وهو بالموس يملد رقابها
وتتفعفل الجاجه بدمها ، وبعدين ستي تمعطها وتطبخها ،
ونقرقط عظمها قبل لحمها ، وتشويلنا معلاقها
بس صوص ينولد !! يا سلام قديش الفرق .......
بين ما تشوف القتل والموت ، وبين ما تشوف جاجه تبدا حياتها
ساعات من الفرح عُمري ما انساها ، فقس البيض ....
إلا أكم من بيضه مَذرن، وطلعت لِقرُقه وولادها
كل ما قرَّبنا نحمل صوص ، تلاقيها زمرت ورانا فاتحه ثمها ،
وياما نقّوَرتنا ، و ياما صفقتنا ضربات بجناحاتها
بس بقينا نعذرها ، وما حقدنا عليها ، وستي ......
لمّا بقت تشوفنا نقامدها ، تلحقنا بالمكنسه تكت عَ روسنا قشاتها
وتوخذنا بالحكمه ! يَ ستي دشروا لِقرُقه ، وما حدا يزعجها ،
هذي بتحب اولادها ، وبتتعَوّروا إذا ظليتوا وراها
بس شو بده يقنعنا وشقاوة الأطفال مسيطره عَ تصرفاتنا ؟
والعبث والمعرفه ضاربه علينا طنابها ؟؟
بقت ستي معلنه الطواري ، وهي تدافع عن الجاجه من قردنتنا ،
مشان ما نطول بالأذى صيصانها !!
وبطلنا نسمع خراريف ، ولا نستوعب حكمه ، ولا نستمتع بلقمه ،
حياتنا حوالين لِقرُقه وصيصانها كرّسناها
بس لمّا بقى سيدي يفوت الدار ، نلبد في القُرَن والزوايا ،
وبقت ستي تهددنا بسيدي ، وما نفذت تهديداتها
ستي بقت حنونه ، مش مثل سيدي ايده ولِهواه ،
لما نتخنها تلاقي كفوفه ،رَّقعَت أصداغنا بهواتها
بس بقينا نحبه ، ما هو لازم واحد في العيله يبقى يخوِّف ،
هيذ الدنيا وهيذ أمورها وأحوالها
ولمّا كِبرِن الصيصان وصارن فراخ ، خفت الدهشة بالقرقه ،
وما عُدنا نلاحقها هي وأفراخها
وصارت كل فرخه تدّور عَ رزقها لحالها ، وبطلت لِقرُقه ...
تفرد جنحانها ، وتضمهن بدفا حنانها
لِقرُقه بقت رمز من رموز القريه ، قبل ما تطلع المزارع والمياكن ،
بقت للقرقه عزها ، وبقى إلها زمانها
قديش في هالايام حدا بحس ببهجة الصوص الزغير ؟؟!
وللجاجه الهبله اللي بدها لعندها ميتها وعلفاتها
بقت جاجة أيام زمان تكافح وتناضل تتطلع ألحبه من الأرض ،
وقالوا عنها : الجاجه رزقتها بين إجرَّياتها
وبقت الجاجه الذكيه ، خمسين ولد إيحَلّقوا تيمسكوها ،
وما تستسلم لحدا وتسلمه حياتها
وجاجة زمان بقت لحمتها طيبه ،وبيضتها طيبه ،
ووجودها في الحاره و الزقاق يزيد حلاتها
وجاجة زمان مرتبطه بزمن ستي وسيدي ، وبأكلة مسخن ،
وبقور المفتول ، وبعادات ما أحلا ذكرياتها
ما أحلا يُومِنّ نفردها عَ بساط البحث ،
ونقعُد مثل المسبحه نلقِط حبه حبه حباتها
تقرأ بلهجة أهل سنجل
» خسارة عليك يا منتدى النسر الاحمر
» أقوال جورج حبش
» اليسار التونسي الآن وهنا
» أغنية يا أسرانا يا بواسل (جديد الشعبية)
» أغنية يا أسرانا يا بواسل (جديد الشعبية)
» فش غلّك واحكي .^ اكثر ظاهرة او عادة بتتمنى زوالها من مجتمعنا ^.
» اربع كلمات تكشف عن حالتك
» حصريا اغنية غسان كنفانى اسمو على الريشة
» احدث اغنية للجبهة:هيلا هيلا ديمقراطية جبهة قوية 200% تربي رجال
» مرحبا
» أغاني رائعة للفرقة اليسارية...فرقة الطريق العراقية
» جميع البومات فرقة صابرين
» ويستمرّ النضال في تـــونس..
» حصريا اغنية وصية الشهيد من شريط الهدف 11
» اغنية الزحف الجبهاوي للانطلاقة 42
» حصري على ملتقى النسر الاحمر اغنية القدس تشرررع
» ******* ابو الفقر .. حداية نار موسى حافظ والجلماوي وكمان شاعر ثالث
» اشحن رصيدك مجانا
» ماتفوت لهون