من طرف صالح صلاح شبانة الجمعة يناير 09, 2009 1:15 pm| <table cellSpacing=0 cellPadding=0 width="100%" border=0><tr><td class=hr colSpan=2> </TD></TR> <tr><td colSpan=2> طبيخ العدس </TD></TR></TABLE>صورة تراثية شعبية محكية بقلم : الداعي بالخير :صالح صلاح شبانة إحباب يا مرقة العدس احباب ، مين قال ( الهم بورغر ) يدخل ُ والعدس ايظله واقف عَ الباب ؟؟ إعدس وابصل مع الفته يا حَبّاب ، تلاقي الصحه حديد ، تنقل عَ ظهرك رجم دبش مع تراب ومجدّرة البرغل مسامير الرُكَب ، وتلاقي العصب مشدود ، والجسم واقف مثل الأليف ، حتى لو الشعر شاب وباطية عدس تكبكب عَ الذيال ، تشبع قبيله ، أكله ما إلها مثيله توكل منها لمّا يصيبك وِثّاب وان وقعت عَ الجوع شمر عن إيديك ، وكل قد مفجوع ، إحشي بلا هواده ورّكِب للبطن سحّاب إرقع من ها لعدس يا صبي ، واذكر الله وصلي عَ النبي ، وان ما قدرت إحبي حبي ، إجبد ولا تهاب إحباب يا مرقة العدس احباب ، والبصل الفحل الحويل ، والرصيع بالفليفه الحَرّاقه ، والليمون ما غاب ************************** إحباب يا مرقة العدس إحباب ، يا أكلة الأباء والأسياد ، يا طبخة ستي لِمْفضله ، لو جاب سيدي ما جاب أكل العدس برُدّ الروح ، ولمّا ستي ، الله يرحم هذيك الست ، إتسقّي وتفت ، وطاب الأكل من الباطيه طاب ربي خلق ها لعدس ، أكلة المربعينيه والسقعه ، من سخونة اللقمه ، تفر الدمعه من عيونك ، ويوقد حَرّها اللهاب ينتشر في عروقنا ، دفا مثل قدح الشرر ، اتلاقي العدس ، اللي بخبز الطابون انغمس ، والفت بالمرق ذاب نيال من حضر ، أكل وانبهَر ، أكلة عدس بقت ست الموائد ، قبل ما انهزمت ، وصارت حلم باهت وسراب إحباب يا مرقة العدس إحباب ، كل ما صار الشتا عَ الباب ، ترى ريحة هِبّال قِدِرتك ، بتوخذ العقل والصواب ساق الله يا ستي وساق ، عَ القعده قدّام لِوجاق ، نستنى طبيخك ، طيب المذاق ، نوكل بلا حساب **************************** طول عُمر العدس عز ، موسمه موسم هَنَا ، ووجوده رديف للقمح ، إن غاب العدس الخُبُز يُعرُج وضاقت الأسباب والبصل رديف أصيل ، لا بنحني ولا بميل ، إلا قُدّام الفلاّح و عزمه القوي ، اللي ورا الرزق الحلال طَلاّب أخضع الفدّان ، وشق الأرض ، وبذر من القمح والشعير ، من العدس والكرسنه ، غذا للبشر وللدواب إكيد العشا بعد ما يلفوا الأجاويد ، الحَرّاثين ، عدس صحيح ولاّ مجروش ، ولاّ مجدرة برغل توخذ الألباب للي الجوع قارحه ، بتلاقيه عَ كِسْرِة السُفره ، أكم من رغيف خبز طابون ، وطوس من اللبن اللي راب والبندوره الناشفه من الصيف ، والبصل من حَرّه بعاطس ، ورشة ملح ، وطورة قطين كل ما حَصَّل وناب يبقى العدس سيد المواقف ، الخل الوفي ، يسند الظهر ، ويشد العضل ، يعطي قوّه ، ويرجِّع الشباب ****************************** للعدس مثل القمح ، مثل البصل ، مثل الرصيع ،مثل كل غَلّه من مونة الدار ، مخزونه للزمن القلاّب اتدير عَ العدس زيت زيتون ، واعّرام ملح يحميه من السوس ، ويحافظ...، عَ طعمه الزكي ، يحفظه من الخراب وكل ما احتاجت أكله عدس مجروش ، اتدير الطاحونه ، وتجرش عَ الرحى ، طبختها ، رغم التعب والعذاب تتظل أكلتها طازه شهيه ، نجلد ونجبد منها بقلب جامد ، توكل مطمئن ، ولا يدخل نفسك قلق وارتياب كل ما أكلت منها تستزيد ، أكله هنيه ، تجبر خاطرك ، بتغريك ......، بتناديك .... قَرِّب و لا اتهاب العدس أصل الصحه ، وأصل القوه ، العدس تاريخ ، يربط الأنسان بالأرض ، عُمُر نجمه ما أفل ولا غاب إحباب يا يمه ، إحباب يا ستي ، إحباب يا أهل البلد ، إحباب يا باطية العدس ، يا اللي صرنا واياك أغراب تقرأ بلهجة أهل سنجل | |
  | <table cellSpacing=0 cellPadding=0 border=0><tr><td vAlign=center noWrap> </TD> <td> </TD> <td vAlign=top noWrap> </TD></TR></TABLE> |
طبيخ العدس
صالح صلاح شبانةجُـــنـدي نـظامــي
عدد الرسائل : 200
العمر : 71
نقاط : 6054
تقييم الأعضاء : 1
تاريخ التسجيل : 03/01/2009
» خسارة عليك يا منتدى النسر الاحمر
» أقوال جورج حبش
» اليسار التونسي الآن وهنا
» أغنية يا أسرانا يا بواسل (جديد الشعبية)
» أغنية يا أسرانا يا بواسل (جديد الشعبية)
» فش غلّك واحكي .^ اكثر ظاهرة او عادة بتتمنى زوالها من مجتمعنا ^.
» اربع كلمات تكشف عن حالتك
» حصريا اغنية غسان كنفانى اسمو على الريشة
» احدث اغنية للجبهة:هيلا هيلا ديمقراطية جبهة قوية 200% تربي رجال
» مرحبا
» أغاني رائعة للفرقة اليسارية...فرقة الطريق العراقية
» جميع البومات فرقة صابرين
» ويستمرّ النضال في تـــونس..
» حصريا اغنية وصية الشهيد من شريط الهدف 11
» اغنية الزحف الجبهاوي للانطلاقة 42
» حصري على ملتقى النسر الاحمر اغنية القدس تشرررع
» ******* ابو الفقر .. حداية نار موسى حافظ والجلماوي وكمان شاعر ثالث
» اشحن رصيدك مجانا
» ماتفوت لهون