من طرف صالح صلاح شبانة الخميس مارس 12, 2009 10:20 amالحطب والطاقه
صورة شعبية تراثية محكية
بقلم ووجدان : الداعي بالخير صالح صلاح شبانة
Shabanah2007@yahoo.com
بقى الحطب لازمه مهمه من لوازم الحياه في القريه ، وبقت حياة الفلاح من غير الحطب ،
صعب تمشي وتسير
وبقت مصادر الحطب الطاقه في القرى ، عَ قفا مين ايشيل ، حولك وحواليك ،
بوجهك وقفاك اميسره تيسير
وكل مصادر الطاقه بقت محليه ، ميّه في الميّه ، ما إلها علاقه بأوبك ،
ولا بالقرارات الدوليه ، ولا بقرارات التسعير
الجله في كل زريبه وكل زقاق ، وكل دخله وطلعه وخشه ، مونه للطابون ،
حرّها الحامي بطلع الرغيف امقمر تقمير
والحطب من خير الله وجاد ، والأرض بتلبسه كل سنه في الربيع ،
وبنشلحها اياه في الصيف ، بده سواعد مشمره تشمير
تحمل المنتاش والبلطه والمنشار ، وتسرح في الخلا ، تقلع من النتش ،
لوراقة العنب وللحرق ، إكوام مقنطره قناطير
وبنحزم اللي بلزم للدار ، وبتحمل المَرَه كل حمله عَ راسها ، والله يكون بالعون ،
حملتين وثلاثه ، نسوان بقى العمل إلهن قدر مقدور
**************************
وبقت الأرض خضرا ، كلها شجر مثمر ، زيتون وعنب ولوزيات ، من كل الأصناف ،
بتشوفها وين ما بتبحر ولنظرك بتدير
وها لشجر إلو مواسم قنابه ، تلاقي قنابة الشجر لأبو موزه ، والحطب حبطرش ،
وتقول : يا رب اتكثر الخير
وبتباشر إبن البلد في الطاقه ، اللي ما إلها في السياسه علاقه ،
وما بتدفع حقها مصاري ، لا قليل ولا كثير
موجوده لموقدة الزاد ، ولطابون النار ، ولحرق لِفريكه ، ولسلق البرغل ،
ولحصة الوجاق أيام السقعه ، والمطر الغزير
بقى الحطب جزء من الأمن الأقتصادي ، ومهم كثير ، مثل زيت لِفغيش ،
والبصل الحويل ، والذره والقمح والشعير
بقى الحطب سياج للصيره ، ومنه فرشه تحت الطين لسقف السقيفه ،
ومنه للعِزب عرايش للنواطير
بقى الحطب إيد الفلاح ورجله ، إذا سرح في الخلا ايلقط حطب ، ويرَكِب ..،
إبريق الشاي ، ويدوزن ويضبط للمخ المعايير
***************************
أيام الحطب والخلا ما بقينا نهتم في بَرَّه القريه كثير ، خربت عمرت.. ،
حادت عن روسنا بسيطه ، عَ رأي جحا الخبير
غلّوا الكاز ، طيب وما ايغلّوا ، تنكة الكاز بتموت وبتحيا عِنّا ، وبالناقص ،
حتى عن الضَوّ ، ما حدا منّا للضَوّ ، وما حدا منا للضَوّ أسير
غَلّوا البنزين والسولر ، طيب وما يغلوا ، لا حميرنا ولا بغالنا ، ولا غنماتنا..،
ولا جاجاتنا بدهن نفط ، ولا زيتاتهن بدهن تغيير
غَلّوا الغاز ، طيب وما ايغلوا ، هو مين فينا في هذاك الزمن بقى يعرف الغاز ،
غير غاز البطن من الفجل والجرجير
الحطب بقى ضروره ، والحطب وين مكان ، من حوالين الشجر ، من الوعر والبور ،
من حوالين عين الميه والبير
وبقى الحطب في السهل ، من بقايا الزرع ، قش للهويسه والطابون ،
وها لشوك اللي كت ، وعافته الحمير
بقى الحطب إيدنا ورجلنا ، ومن حمد الله عُمرنا ما احتجناه إلا ولقيناه ،
مبعث سعاده وفرح ، و عَ الجيبه توفير
*************************
بين الحاضر والماضي وصله ، بس الحاضر دنيا والماضي دنيا ، ولِمخضرم اللي .. ،
مثل أفضالنا محتار ، بده وما بده التغيير
بس التغيير سُنّه ، الحياه بتفرضها عَ الراضي والزعلان ، الجسد في زمن ... ،
والقلب في زمان ، وبين الزمانين بدك تصير
البريموس ، بابور الكاز ، اقتحمنا وفرض حاله علينا ، أسهل من الحطب وأنظف ،
وما بدخِن ، وتوليعه لا بده مراسم ، ولا تحضير
وبعد البابور إجانا البوتوغاز ، آخر حلاوه وطلاوه ، نظافه وحراره ،
وما بِدوش مثل البريموس ولا بشحبر شحابير
واتحدى الطابون الراسخ في الوجدان ، وهزمه هزيمه ملعونة حرسي منكره ،
دَّمَره ، أباده ، كسره تكسير
وبعد الغاز صارت الكهربا كل الطاقه ، في المطبخ ، في الدفايه ، لا بتسرب..
صورة شعبية تراثية محكية
بقلم ووجدان : الداعي بالخير صالح صلاح شبانة
Shabanah2007@yahoo.com
بقى الحطب لازمه مهمه من لوازم الحياه في القريه ، وبقت حياة الفلاح من غير الحطب ،
صعب تمشي وتسير
وبقت مصادر الحطب الطاقه في القرى ، عَ قفا مين ايشيل ، حولك وحواليك ،
بوجهك وقفاك اميسره تيسير
وكل مصادر الطاقه بقت محليه ، ميّه في الميّه ، ما إلها علاقه بأوبك ،
ولا بالقرارات الدوليه ، ولا بقرارات التسعير
الجله في كل زريبه وكل زقاق ، وكل دخله وطلعه وخشه ، مونه للطابون ،
حرّها الحامي بطلع الرغيف امقمر تقمير
والحطب من خير الله وجاد ، والأرض بتلبسه كل سنه في الربيع ،
وبنشلحها اياه في الصيف ، بده سواعد مشمره تشمير
تحمل المنتاش والبلطه والمنشار ، وتسرح في الخلا ، تقلع من النتش ،
لوراقة العنب وللحرق ، إكوام مقنطره قناطير
وبنحزم اللي بلزم للدار ، وبتحمل المَرَه كل حمله عَ راسها ، والله يكون بالعون ،
حملتين وثلاثه ، نسوان بقى العمل إلهن قدر مقدور
**************************
وبقت الأرض خضرا ، كلها شجر مثمر ، زيتون وعنب ولوزيات ، من كل الأصناف ،
بتشوفها وين ما بتبحر ولنظرك بتدير
وها لشجر إلو مواسم قنابه ، تلاقي قنابة الشجر لأبو موزه ، والحطب حبطرش ،
وتقول : يا رب اتكثر الخير
وبتباشر إبن البلد في الطاقه ، اللي ما إلها في السياسه علاقه ،
وما بتدفع حقها مصاري ، لا قليل ولا كثير
موجوده لموقدة الزاد ، ولطابون النار ، ولحرق لِفريكه ، ولسلق البرغل ،
ولحصة الوجاق أيام السقعه ، والمطر الغزير
بقى الحطب جزء من الأمن الأقتصادي ، ومهم كثير ، مثل زيت لِفغيش ،
والبصل الحويل ، والذره والقمح والشعير
بقى الحطب سياج للصيره ، ومنه فرشه تحت الطين لسقف السقيفه ،
ومنه للعِزب عرايش للنواطير
بقى الحطب إيد الفلاح ورجله ، إذا سرح في الخلا ايلقط حطب ، ويرَكِب ..،
إبريق الشاي ، ويدوزن ويضبط للمخ المعايير
***************************
أيام الحطب والخلا ما بقينا نهتم في بَرَّه القريه كثير ، خربت عمرت.. ،
حادت عن روسنا بسيطه ، عَ رأي جحا الخبير
غلّوا الكاز ، طيب وما ايغلّوا ، تنكة الكاز بتموت وبتحيا عِنّا ، وبالناقص ،
حتى عن الضَوّ ، ما حدا منّا للضَوّ ، وما حدا منا للضَوّ أسير
غَلّوا البنزين والسولر ، طيب وما يغلوا ، لا حميرنا ولا بغالنا ، ولا غنماتنا..،
ولا جاجاتنا بدهن نفط ، ولا زيتاتهن بدهن تغيير
غَلّوا الغاز ، طيب وما ايغلوا ، هو مين فينا في هذاك الزمن بقى يعرف الغاز ،
غير غاز البطن من الفجل والجرجير
الحطب بقى ضروره ، والحطب وين مكان ، من حوالين الشجر ، من الوعر والبور ،
من حوالين عين الميه والبير
وبقى الحطب في السهل ، من بقايا الزرع ، قش للهويسه والطابون ،
وها لشوك اللي كت ، وعافته الحمير
بقى الحطب إيدنا ورجلنا ، ومن حمد الله عُمرنا ما احتجناه إلا ولقيناه ،
مبعث سعاده وفرح ، و عَ الجيبه توفير
*************************
بين الحاضر والماضي وصله ، بس الحاضر دنيا والماضي دنيا ، ولِمخضرم اللي .. ،
مثل أفضالنا محتار ، بده وما بده التغيير
بس التغيير سُنّه ، الحياه بتفرضها عَ الراضي والزعلان ، الجسد في زمن ... ،
والقلب في زمان ، وبين الزمانين بدك تصير
البريموس ، بابور الكاز ، اقتحمنا وفرض حاله علينا ، أسهل من الحطب وأنظف ،
وما بدخِن ، وتوليعه لا بده مراسم ، ولا تحضير
وبعد البابور إجانا البوتوغاز ، آخر حلاوه وطلاوه ، نظافه وحراره ،
وما بِدوش مثل البريموس ولا بشحبر شحابير
واتحدى الطابون الراسخ في الوجدان ، وهزمه هزيمه ملعونة حرسي منكره ،
دَّمَره ، أباده ، كسره تكسير
وبعد الغاز صارت الكهربا كل الطاقه ، في المطبخ ، في الدفايه ، لا بتسرب..
غاز مثل البوتوغاز ، ولا بتهدر هدير
هذي الدنيا يا ناس ، الجديد اليوم عتيق بكره ، بس الحطب بظله موجود ،
إلو احترام والهيبه ومقدر تقدير
تقرأ بلهجة أهل سنجل
إلو احترام والهيبه ومقدر تقدير
تقرأ بلهجة أهل سنجل
» خسارة عليك يا منتدى النسر الاحمر
» أقوال جورج حبش
» اليسار التونسي الآن وهنا
» أغنية يا أسرانا يا بواسل (جديد الشعبية)
» أغنية يا أسرانا يا بواسل (جديد الشعبية)
» فش غلّك واحكي .^ اكثر ظاهرة او عادة بتتمنى زوالها من مجتمعنا ^.
» اربع كلمات تكشف عن حالتك
» حصريا اغنية غسان كنفانى اسمو على الريشة
» احدث اغنية للجبهة:هيلا هيلا ديمقراطية جبهة قوية 200% تربي رجال
» مرحبا
» أغاني رائعة للفرقة اليسارية...فرقة الطريق العراقية
» جميع البومات فرقة صابرين
» ويستمرّ النضال في تـــونس..
» حصريا اغنية وصية الشهيد من شريط الهدف 11
» اغنية الزحف الجبهاوي للانطلاقة 42
» حصري على ملتقى النسر الاحمر اغنية القدس تشرررع
» ******* ابو الفقر .. حداية نار موسى حافظ والجلماوي وكمان شاعر ثالث
» اشحن رصيدك مجانا
» ماتفوت لهون