من طرف صالح صلاح شبانة الثلاثاء يناير 13, 2009 4:25 pmشعبيات الداعي بالخير – 2
لوحات من ذاكرة القرية
نظم الداعي بالخير: صالح صلاح شبانة
Shabanah2007@yahoo.com
5- دار سيدي
بقى عند سيدي بقره وحمار ، يحرث الأرض عليهن ويرمي لِبذار
راسين على مذود تبن ، جمعهن سيدي في قاع الدار
بيتنا بقى مصطبه و خوابي وقاع ، و في الحوش بقى طابون النار
ناس في طابون الزبل بتخبز ، وناس عَ الصاج وناس بالإيجار
وناس بتحلب وناس بترَوِّب وبتخض ، وناس بتملي زيار الفخار
دار سيدي بحلمي عاشت وبتعيش ، ما بنسى تفاصيلها لو مهما صار
6- ناطور العين
ولا عنتر زمانه مثل ناطور العين ، مثل الديك مِعنِق بين الجاجات
أي نعم ختيار أكل عليه الزمن ، بس بفرح للصبايا الملاّيات
صبايا مثل الورد اللي في زراره ، ريحتهن بالعطر مفوّاحات
ناطور العين لازم يبقى شاعر ، لأنه ما بشوف غير الحلّوات
واذا اتذكر ختيارته القرقفه ، هواته بتنزل سلخ عَ البنات
يا ريتني ناطور عين أشوف الصبايا ، اللي قلبي عَ حبهن بقتات
7 – راحن مع بعض
غنيت للجحش وجوز البقر ، وانا أعد النجوم والقمر
تخيلت الحبيبه نادت عليّ ، طلع صوت الثور جعر
يا حيف عَ القلب اللي انطفس ، بعيط عَ الزمان اللي غدر
راحت الحبيبه والجحش والثور ، وياما حِزن قلبي وانقهر
يا للي يبشرني برجوع الجحش والثور ، وحبيبة القلب اللي انكسر
يوخذ مني جاجه وعشر بيضات ، وعرام زعتر حلوان الخبر
8- الفرس
يا عزيزه مالك ذليله ومهيونه ، يا فرس أصيله ومزيونه
إن جبت بغل مش ذنبك ، ذنب اللي هد البيت وزال حصونه
وخلاّ الحمير تفلت عَ الخيل ، وخلاّ الأصيله تصير ملعونه
يا فرس وفارسك بطل ، متربّي عَ الحرب والضرب وفنونه
ولمّا فارسك صار جوكي ، كَدّشِك بعد الأصاله وصرت خؤونه
وناب لِحمار عن لِحصان ، تتصيري ام القرّه بعد لِمّهيره المصيونه
تقرأ بلهجة أهل سنجل
لوحات من ذاكرة القرية
نظم الداعي بالخير: صالح صلاح شبانة
Shabanah2007@yahoo.com
5- دار سيدي
بقى عند سيدي بقره وحمار ، يحرث الأرض عليهن ويرمي لِبذار
راسين على مذود تبن ، جمعهن سيدي في قاع الدار
بيتنا بقى مصطبه و خوابي وقاع ، و في الحوش بقى طابون النار
ناس في طابون الزبل بتخبز ، وناس عَ الصاج وناس بالإيجار
وناس بتحلب وناس بترَوِّب وبتخض ، وناس بتملي زيار الفخار
دار سيدي بحلمي عاشت وبتعيش ، ما بنسى تفاصيلها لو مهما صار
6- ناطور العين
ولا عنتر زمانه مثل ناطور العين ، مثل الديك مِعنِق بين الجاجات
أي نعم ختيار أكل عليه الزمن ، بس بفرح للصبايا الملاّيات
صبايا مثل الورد اللي في زراره ، ريحتهن بالعطر مفوّاحات
ناطور العين لازم يبقى شاعر ، لأنه ما بشوف غير الحلّوات
واذا اتذكر ختيارته القرقفه ، هواته بتنزل سلخ عَ البنات
يا ريتني ناطور عين أشوف الصبايا ، اللي قلبي عَ حبهن بقتات
7 – راحن مع بعض
غنيت للجحش وجوز البقر ، وانا أعد النجوم والقمر
تخيلت الحبيبه نادت عليّ ، طلع صوت الثور جعر
يا حيف عَ القلب اللي انطفس ، بعيط عَ الزمان اللي غدر
راحت الحبيبه والجحش والثور ، وياما حِزن قلبي وانقهر
يا للي يبشرني برجوع الجحش والثور ، وحبيبة القلب اللي انكسر
يوخذ مني جاجه وعشر بيضات ، وعرام زعتر حلوان الخبر
8- الفرس
يا عزيزه مالك ذليله ومهيونه ، يا فرس أصيله ومزيونه
إن جبت بغل مش ذنبك ، ذنب اللي هد البيت وزال حصونه
وخلاّ الحمير تفلت عَ الخيل ، وخلاّ الأصيله تصير ملعونه
يا فرس وفارسك بطل ، متربّي عَ الحرب والضرب وفنونه
ولمّا فارسك صار جوكي ، كَدّشِك بعد الأصاله وصرت خؤونه
وناب لِحمار عن لِحصان ، تتصيري ام القرّه بعد لِمّهيره المصيونه
تقرأ بلهجة أهل سنجل
» خسارة عليك يا منتدى النسر الاحمر
» أقوال جورج حبش
» اليسار التونسي الآن وهنا
» أغنية يا أسرانا يا بواسل (جديد الشعبية)
» أغنية يا أسرانا يا بواسل (جديد الشعبية)
» فش غلّك واحكي .^ اكثر ظاهرة او عادة بتتمنى زوالها من مجتمعنا ^.
» اربع كلمات تكشف عن حالتك
» حصريا اغنية غسان كنفانى اسمو على الريشة
» احدث اغنية للجبهة:هيلا هيلا ديمقراطية جبهة قوية 200% تربي رجال
» مرحبا
» أغاني رائعة للفرقة اليسارية...فرقة الطريق العراقية
» جميع البومات فرقة صابرين
» ويستمرّ النضال في تـــونس..
» حصريا اغنية وصية الشهيد من شريط الهدف 11
» اغنية الزحف الجبهاوي للانطلاقة 42
» حصري على ملتقى النسر الاحمر اغنية القدس تشرررع
» ******* ابو الفقر .. حداية نار موسى حافظ والجلماوي وكمان شاعر ثالث
» اشحن رصيدك مجانا
» ماتفوت لهون