من طرف عاشق تراب الارض الثلاثاء يونيو 23, 2009 4:35 pmيلتقيان بعد طول غياب ويستفسر
المغترب عن أحوال البلد وأهل البلد والوضع ليعرف التغيرات التي حدثت أثناء غيابه
ويبدأ الحوار
ابن البلد :- مراحب هلا وسلمات
المغترب :- والله مشتاقين لهيك قعدات ولمات
ابن البلد :- ليش ما في قهاوي بالواك واك
المغترب :- في بس لمة الأهل بتخفف الآهات
وبتلاقي مين يشيل عنك حزنك ويوقف
جنبك في الأزمات
ابن البلد :- والله مشتاقين " يقول بصوت منخفض "
ايش جابك بالهوقت بالذات " ويرجع بصوت عالي "
آهلين والله وسلمات
المغترب :- كيف أحوال
الأهل والخلان ...... رجعت من غربتي أسال عن الجيران
تركتم عزوة وأهل ياريت يكون الحال مثل زمان..
ابن البلد :- الخير كثير والنعم فاضت والوظايف بالرجا صارت
شباب مش فاضي يروح عالدار ولاهليهم الوحشة
زادت..
المغترب :- شو هالا كلام لو بعرف هيك راح يصير ماكنت سافرت
وضليت بحضن أمي وأبوي دفيان...
ابن البلد :- عن الدفا ماتسال الحنية والمحبة زادت أكثر من الأول
والبيوت بتطل علي بعضها ما تلاقي باب بوجه حدا مقفل..
المغترب :- ايش أخبار الختيار والختيارة وشباب وبنات
الحارة
علي الله يكونو
شبابها مرضيين كبارا
والكناين بالولاد معمرة ديارا
....
ابن البلد :- بطل
مثل أول مافي إشي اسمه حارة
صارت الشباب تجوز في قصور وتكثر
أنواره
ومهور البنات بالمحبة والذهب
ينقلوه بالسيارة
شهر العسل في الجزيرة في وسط
البحر يطلعولوا بالطيارة..
المغترب :- أبو احمد مثل ماتركته بيفلح بالبيارة
والصحة والعافية بعدها جبارة
ابن البلد :- هييييييييه ( طالعة من جوات القلب ) ... البيارة .... البيارة مثل ماهي بأزهارا
مامر من وسطها دبابة ولا من
فوقها طيارة
عن الصحة ما تسأل صارت أحسن من الأول
مستشفيات مجهزة بطواقم طبية وأحسن أجهزة بأحسن إدارة..
المغترب :- زمان كنا نسهر عباب الدار
ونحكي عن يوم الشغل ونبلغ لبعض الأخبار
ونجيب شوية تسالي من دكان أبو
منار..
ابن البلد:- أبو منار فتح سوبر ماركت وصار اكبر التجار
وفتحت منتزهات وكفي نت للكبار والصغار
الجوال والفضائيات دخلت كل دار
ماعاد لازم لقعدت باب الدار لنقل الأخبار....
المغترب:- كانت العراس تلم نسوان بتواب مطرزة عديارة
ومهاها وزغاريت وزفة عريس سيارة
والخيل بطلعت العرسان
ترقص وعالهوارة
وأنوار عكل بيت مشاركة بفرحة
العريس من أهل الحارة...
وعادات وتقاليد يلتزم فيها
صغاره قبل كباره
ابن البلد :- الفرحة تعم والحزن يداره
مافي مشاكل والمحبة هدارة
مافي حقد وضغينة والوحدة قوية وجمعت كل الثوارا
والأراضي الفاضية زرعناها وجمعنا
بذاره
والتقاليد ورثناها وعلمناها للصغارا
المغترب :- أحكي لي اشرح لي انتو شعرين بالأمان والحرية
وفهمين المواقف الوطنية
والجيل الصاعد فاهم معني القضية
ابن البلد :- شو احكيلك في حكاية صارت منهية .... الأمان صار
قصة حتمية
وما حدا عنده وقت يدخل بشئون حدا
أو يتعدى على حريته الشخصية
والكل حامل فكر وطني وهمه تعمير
الدولة الفلسطينية
أما الجيل يا عيني على هيك جيل .... ما في أعلا من هيك روح معنوية
وكل المحطات الأرضية والفضائية بتزرع في الشباب
حب الوطن والتضحية
والإذاعات بس همها شرح القضية ...... وتوصيل صوت الشعب للجهات المعنية
حتى إنهم صاروا ينادوا بالشوارع ...... مين عنده مشكلة أو مش عارف يحل قضية
المغترب :- طيب شو دور الأنظمة العربية كانوا زمان ينادوا
بالديمقراطية
وتوحيد كلمة العرب ...... وتشكيل
قوة عربية فتية
ابن البلد :- العرب ..... يا عيني على العرب ...... ونعم الأخوية
كسروا كل الأجندات
الإقليمية ....... ووحدوا كل الأقطار العربية
صرت تلف العالم العربي مشي أو ع
بسكليت أو بدراجة نارية
مبارح أفطرنا ........ بقطر وتغدينا
بالبحرين ...... والعشا كان بالسعودية
والدم ..قرطيه ما تحكي عنها يا خيي ......
لأنها صارت بكل المجالس المحلية
وبالنصيرات البريج والزوايدة
والمغراقة يعني كمان بالمحافل الدولية
حتى إنهم صاروا يشاوروا الشباب
في كل المستويات الوزارية
وبيوخدوا رأي الشعب بأصغر قضية
تقدمنا كثير والسنة الجاية راح
تفتح ع القمر الرحلات الجوية
المغترب :- يا سلام والله بأميركا ما في هالكلام ..... يعني
بعد كم سنة راح يصير الأمريكان إلنا خدام
والله الأمور هيك تمام ...... التام
ابن البلد :- أكيد عم السلام بعد كثير من الحروب والحزن
والهم
بعد كم حرب أثبتنا إنا شعب عنيد ....... عن حقه ما يحيد ...
المهم تضل الأيد شابكة بالأيد ... ونضل ماشيين صف ومتفقين إنه قرارنا واحد وحيد
فلسطينية مهما صار راية أبية
وفجر جديد ...... ضفة وغزة ما بيهم ولا يفصل بينا أسوار وحديد
كل القرى والمخيمات والمدن
توحدنا وطموحنا يزيد
بوحدتنا صمدنا ....... وانتصرنا على
المحتل البغيض ..... كل أحوالنا تصلحت من يوم مشبكنا الأيد
بالأيد
ويحلم ابن البلد والمغترب أن يتحقق الحلم في أن نكون
إخوة متحدين متفرقنا خلافات
مهما بعدنا راح نرجع بنبقى إخوة للممات
هم واحد فكر واحد قول وفعل مش شعارات
الدم الواحد يجمعنا نتعالى على النزاعات
أولادنا أكيد راح يقدروا التضحيات
ويحافظوا على وحدة شعب تاريخه ما مات
يلا نقوم وأيد بأيد نرجع كل الاستحقاقات
شعب واحد إحنا ع طول أكبر من كل الآهات
» خسارة عليك يا منتدى النسر الاحمر
» أقوال جورج حبش
» اليسار التونسي الآن وهنا
» أغنية يا أسرانا يا بواسل (جديد الشعبية)
» أغنية يا أسرانا يا بواسل (جديد الشعبية)
» فش غلّك واحكي .^ اكثر ظاهرة او عادة بتتمنى زوالها من مجتمعنا ^.
» اربع كلمات تكشف عن حالتك
» حصريا اغنية غسان كنفانى اسمو على الريشة
» احدث اغنية للجبهة:هيلا هيلا ديمقراطية جبهة قوية 200% تربي رجال
» مرحبا
» أغاني رائعة للفرقة اليسارية...فرقة الطريق العراقية
» جميع البومات فرقة صابرين
» ويستمرّ النضال في تـــونس..
» حصريا اغنية وصية الشهيد من شريط الهدف 11
» اغنية الزحف الجبهاوي للانطلاقة 42
» حصري على ملتقى النسر الاحمر اغنية القدس تشرررع
» ******* ابو الفقر .. حداية نار موسى حافظ والجلماوي وكمان شاعر ثالث
» اشحن رصيدك مجانا
» ماتفوت لهون