الفران ورغيف العيش
زمان ... زمان قوى كان فيه فران طيب ... كان الفران الوحيد فى البلد ، علشان كده كان كل يوم – قبل الشمس ما تصحى – يصحى يقف قدام فرنه ويبدأ يخبز .. ولما تطلع ريحة العيش – شمس نهار – يصحى السلطان من نومه ويأمر خدمه بانهم يجيبوا عيشه وبسرعة يوصل الخدم للفرن بالمشنات ويشيلوا ويمشوا وبعدهم يجى خدم كبير الوزراء فالوزراء فكبار رجال الدولة والشرطة والجيش ... ع العصر يبدأ ناس البلد فى الوصول للعيش ... كل ده والفران الطيب بيرمى عجينته فى فرنه ويستنى لما يشم ريحة السوا فيمد حديدته ويسحب الرغيف ... فين ع العشا يكون كل واحد فى البلد اخد حصته من العيش ومشى عندها يعجن الفران اخر شوية دقيق فى الفرن ويعمل منهم رغيف وحيد ياكله وينام ....
فى يوم من الايام السلطان جت له هدية ... حصان ابيض زى السحاب .. سريع زى الريح ... جميل زى احب نسوانه لقلبه ... حبه اكثر من كل ولاده حتى من ولى العهد ...وقال ... " حصان السلطان مش ممكن يكون اقل من ناس السلطان .... من بكره تزيد مشنات السلطان رغيف .... "
... كبير الوزراء – اللى موزع الارزاق ومقسم الادوار وعارف ان بعد اللى بياخده السلطان وهو والوزراء وكبار رجال الدولة والشرطه والجيش ما بيفضلش الا رغيف واحد لكل مواطن ... قال للسلطان ... "والفران يا مولاى ؟!"..... قال السلطان .... " مش ممكن حصانى يكون اقل م الفران"
... الصبح بدأ الفران رحلة الخبيز ولما اخر واحد اخد اخر رغيف الفران مالقاش دقيق علشان يعمل رغيف ... احتار ... "ازاى حصلت المسألة دى ... ؟!" ..... فكر كثير وبعدين مالقاش حل غير انه يربط على بطنه حجر وينام
تانى يوم حصل نفس الموضوع فاستعجب اكثر وحس بجوع اشد فجاب حجر تانى وربطه على بطنه ونام ...
فى ثالث يوم طلب مقابلة السلطان يمكن يعرف السر .. لكن السلطان المشغول منين يجيب وقت للفران
ايام وايام وايام ... كل يوم وزن الفران ينقص والحجاره حوالين بطنه تزيد ... لحد ما فى يوم اتأخر السلطان فى الصحيان لانه ماشمش ريحة العيش .. فامر كبير الوزراء اللى امر رئيس الشرطه يعرف الخبر ..
نزل رئيس الشرطه وخبط باب الفرن بعصاه .. لكن ماحدش رد .. قلق .. فبعت لكبير الوزراء اللى بعت للسلطان ...
نزل السلطان -اللى راسه اتملت بالظنون – بنفسه ووراه خدمه وحرسه الخاص وكبار رجال الدولة ... وامر بكسر الباب .. فكسر ....
هناك كانت الحجاره اللى على بطن الفران راسمه شاهد قبر .... السلطان لعن ظنونه وقرا الفاتحه وامر بدفنه وجمع رجال الدوله وامرهم بالبحث عن فران جديد ...
ع العشا ... كان الجوع بيقتل السلطان .. عدى من قدامه حصانه الابيض ... "سمين .." ... فكر كثير وبعدين امر بدبحه واتعشى ونام ...
ناس البلد اللى سمعت الخبر انزعجت جدا مش لانه اكل الحصان لكن لان الحصان ده اغلى حاجه عنده فاذا كان من اول يوم جوع اكله مين عارف بكره لما الليل يجى هيدبح مين وبدأوا رحلة سفر طويله ...
لما طلع الصبح وما شمش السلطان ريحة العيش ... بص حواليه ... ولى العهد .." سمين .... " .....
ايام وايام وايام ..... عارفين اهو النهارده السلطان بعد ما اكل كل رجال الدولة وبعد الشعب كله ما سافر قاعد لوحده حزين .. جعان ... كل ما الجوع يقرصه يربط على بطنه حجر وكل يوم يعدى ينقص وزنه وتزيد الحجارة على بطنه حجر جديد ....
الثلاثاء فبراير 28, 2023 12:27 am من طرف samarahmad78
» خسارة عليك يا منتدى النسر الاحمر
الأحد فبراير 26, 2023 1:48 am من طرف راهب الفكر
» أقوال جورج حبش
الأحد فبراير 26, 2023 1:47 am من طرف راهب الفكر
» اليسار التونسي الآن وهنا
الثلاثاء مارس 02, 2021 11:20 am من طرف mouyn
» أغنية يا أسرانا يا بواسل (جديد الشعبية)
الإثنين ديسمبر 10, 2018 12:52 am من طرف Iyad
» أغنية يا أسرانا يا بواسل (جديد الشعبية)
السبت ديسمبر 08, 2018 6:14 pm من طرف Iyad
» فش غلّك واحكي .^ اكثر ظاهرة او عادة بتتمنى زوالها من مجتمعنا ^.
الخميس فبراير 22, 2018 5:00 pm من طرف زهر اللوز
» اربع كلمات تكشف عن حالتك
الخميس فبراير 22, 2018 4:58 pm من طرف زهر اللوز
» حصريا اغنية غسان كنفانى اسمو على الريشة
الجمعة أغسطس 21, 2015 2:33 pm من طرف ابو الحكيم 1
» احدث اغنية للجبهة:هيلا هيلا ديمقراطية جبهة قوية 200% تربي رجال
الخميس فبراير 26, 2015 12:56 pm من طرف ابن الديمقراطية
» مرحبا
الأربعاء يناير 28, 2015 9:33 am من طرف mared althawra
» أغاني رائعة للفرقة اليسارية...فرقة الطريق العراقية
الثلاثاء يناير 27, 2015 6:22 am من طرف izzildin
» جميع البومات فرقة صابرين
الخميس سبتمبر 18, 2014 9:56 am من طرف ooyy
» ويستمرّ النضال في تـــونس..
السبت مارس 29, 2014 8:16 am من طرف mouyn
» حصريا اغنية وصية الشهيد من شريط الهدف 11
الأربعاء مارس 12, 2014 4:53 pm من طرف safwan zaben
» اغنية الزحف الجبهاوي للانطلاقة 42
السبت فبراير 15, 2014 12:06 pm من طرف mof2014
» حصري على ملتقى النسر الاحمر اغنية القدس تشرررع
السبت نوفمبر 30, 2013 12:40 am من طرف القدس عربية
» ******* ابو الفقر .. حداية نار موسى حافظ والجلماوي وكمان شاعر ثالث
الخميس أكتوبر 24, 2013 3:43 pm من طرف غالوب
» اشحن رصيدك مجانا
الإثنين سبتمبر 09, 2013 9:04 pm من طرف ندي فلسطين
» ماتفوت لهون
الجمعة يوليو 26, 2013 3:11 pm من طرف yayaba007