خليها على الله والباقي عندك

كل شي بجوز* حطوا الوطن بالكوز* وصار الكل ينادى* مين يشترى بلادي* مين بس مين* بسيجارة وكيس طحين*
باعوا الجمل بما حمل
وسلموا الذقن بضحكة أمل
اليوم وبكره وبعده العيد
وكل الشعب صفى قعيد
موضة البطالة صارت همالة
وبالشارع الكل قاعد بصارع
عُمر .. وعيشه مفروضة عليه
وبابا ، يا بابا شيكل ما معه بابا
هارب من الدار وداقق مسمار
عنوان الفلس ..عامل الاستقرار
شو هل الحياة اللي ما فيها حياة
عايش بالحكي عايش
وأولاد بجيب...
عشان يقولوا ضريب
يا أخي عايش...
بس مش كسيب
بالخبز والملح ومقضيها شلح
ساتر حالي بكابونة وكالة
ولو ما كانت
كان إحنا بالزبالة
هذه فوضى الوحدة
وحكايتنا طوالة
بنجري فيها والعمى عميها
وعمره حدا ما فاز فيها
وخليك مسكر عقلك
ومشمع أبوابك
ليجي النصر
ويرفعلك أحجابك