ملتقى النسر الأحمر

أهلا وسهلا بكم فى ملتقى النسر الأحمر
رفيقى الزائر انت غير مسجل نتمنى منك التسجيل
للأستفادة من كل مميزات الملتقى

انضم إلى المنتدى ، فالأمر سريع وسهل

ملتقى النسر الأحمر

أهلا وسهلا بكم فى ملتقى النسر الأحمر
رفيقى الزائر انت غير مسجل نتمنى منك التسجيل
للأستفادة من كل مميزات الملتقى

ملتقى النسر الأحمر

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

فكرى تعبوي تنظيمي


2 مشترك

    الانترنت والمخابرات الاسرائيليه

    ibrahim alkhmour
    ibrahim alkhmour

    عضو تحت الأشراف  عضو تحت الأشراف



    ذكر
    عدد الرسائل : 7
    العمر : 28
    العمل/الترفيه : طالب
    المزاج : مقاتل
    الدولة : الانترنت والمخابرات الاسرائيليه  Palest10
    نقاط : 4331
    تقييم الأعضاء : 0
    تاريخ التسجيل : 01/06/2012
    الأوسمة : الانترنت والمخابرات الاسرائيليه  Empty
    وسام مسابقة الضيف المجهول : الانترنت والمخابرات الاسرائيليه  Empty

    الانترنت والمخابرات الاسرائيليه  Empty الانترنت والمخابرات الاسرائيليه

    مُساهمة من طرف ibrahim alkhmour الجمعة يونيو 01, 2012 7:33 pm

    الانترنت والمخابرات الاسرائيليه
    **********************
    الانترنت


    محتوى الموضوع
    مقدمه
    طرق تعامل المخابرات الاسرائيليه مع الشباب والبنات من رواد الانترنت

    المقدمه

    طبعا ما في حدا بنكر من الاعضاء انه الانترنت هو عالمهم الثاني

    بحكوا المدرسه تعليم والانترنت كمان تعليم
    بحكوا الجامعه فيها اصدقاء وهين الصداقه اقوى
    بحكوا في العمل ربح وتجاره والانترنت كمان عمل وربح والطرق معروفه

    بحكوا فلسطين مقاومه والانترنت كمان مقاومه
    وهاي النقطه الي راح نركز عليها
    الانترنت والمقاومه
    طبعا هين ما في مجال انك تحمل سلاح وتنزل تقاتل
    لكن المجال هين اوسع وخاصه انه بكون موجه لاخوانك مش لليهود

    هين بتقدر تدخل وتنشر فكر المقاومه
    تعرف الناس بفلسطين
    بالجهاد بالمقاومه
    تعرفهم مين اليهود وشو عملوا وبعملوا وشو راح يعملوا فينا
    تاثيرك بالاعضاء وبمتصفحين الشبكه هو كسب جيل يكون في صالح القضيه ويوقف ضد اليهود واهدافهم

    عشان هيك كان لليهود دور في هاذ الموضوع

    وهو الانترنت وكيف يتم استخدامه ضدهم
    بدا يعملوا ضد كل من يحاول يعمل ضدهم حتى لو كان في الانترنت وفي كتابه المواضيع
    وهين راح نلفت لامر يمكن كثير من الناس ما بعرفوه
    اسرائيل هي دوله امنيه او مؤسسه امنيه الها افرع صحيه وتجاريه ومدنيه
    لكنها في الاساس هي مؤسسه امنيه هدفها الامن ونظريتهم اذا لم تكن معنا فانت ضدنا
    يعني ما تحكي انا ما بحمل سلاح اذن مش راح يحكوا معي بتكون غلطان اذا فكرت هيك
    عشان هيك اليهود قسمونا لقسمين احنا الفلسطينيه طبعا الي واقفين ضدهم او مش واقفين مع حدا
    الي بحمل سلاح او بحاول باي طريقه يدافع عن ارضه فهو ارهابي والنا الشرف انه انكون ارهابيه
    اما لي بكون في حاله وماله دخل بهاي القصه كلها يعني همه يعيش حياته ويحكي مع بنات ويجمع مصاري فهو ارهابي مع وقف التنفيذ
    يعني ارهابي لكن لسه ما بدى في ممارسه الارهاب فهو بنتظر اللحظه الي يبدا مثل اخوانه في نفس الطريق
    عشان هيك اليهود بدا بمراقبه كافه الناس وفي كل مكان حتى وصل الامر فيهم لمراقبه الانترنت
    والمواقع الي بتم تصفحها وبعض مواقف التنظيمات الي هي اكبر مكان لصيد الشباب

    طرق التعامل مع الشباب

    طبعا هسه بدنا نحكي عن طرق مراقبه الشباب والايقاع فيهم عن طريق الانتر نت
    لو جينا لمواقع التنظيمات الاكترونيه
    طبعا بمجرد دخولك لموقع هاذ التنظيم معنها انت ضذ اسرائيل وانت داخل حتى تشبع فكرك ضذهم حتى انك اتزيد الحقد عليهم او انك تتعلم طرق المقاومه وتستخدمها في مواجهتهم
    هين طريقه الايقاع راح تكون بهاي الصوره
    بدخل عليك احد الاعضاء وبتعرف عليك طبعا اسمه في الموقع بدل على انه مقاوم
    يعني اسمه بدل على شهيد او على حب الوطن او على مصطلحات كلنا بنحبها
    هاذ بدخل عليك وبتعرف وبتصيروا اصدقاء
    انت بدك تتعرف على ناس بقاوموا حتى تصير مثلهم فبتكون عندك قابليه للتعارف معه
    طبعا هو ببدا يعطيك دروس في الوطنيه والتضحيه وحب الوطن حتى انك بتصير تنتظر اللحظه الي تحكي فيها معه وببدا يطرح عليك فكره المقاومه وممارستها على ارض الواقع وهاي اللحظه الي انت بتستنى فيها
    بمجرد موافقتك على هاذ الشي انت وضعت اجرك الاولى اما في السجن او القبر
    طبعا كلنا بنحب السجن والشهاده بس ما يروح الواحد بدون مقابل لانه هيك خساره راح تكون
    طبعا هاذ الرجل الي راح يدخل عليك اما عميل او ظابط مخابرات
    بطرح عليك فكر المقاومه وانت راح توافق لحبك للدفاع عن بلدك وراح تتلاقوا مع بعض
    وقتها في اول عمل راح تقوموا فيه راح يتم اعتقالكم او في حاله مهاجمه هدف راح يتم قلتك فيه لانه راح يكون كل شي جاهز وراح يكونوا اليهود بستنوا فيك حتى يخلصوا منك
    طبعا البعض بقول شو بدهم فيه يصنعوا مني مقاول ويقتلوني طيب ليش بغلبوا في حالهم يعطوني سلاح وبعدها يقتلوني
    وانا راح اجاوب هين
    كونك اخي مش مع اليهود فانت ضدهم هي ثقافتهم الامنيه بتحكي
    كونك ما بتقاوم في هاي اللحظه فاكيد راح يجي لحظه وتقاوم فيها عشان هيك لازم يخلصوا منك قبل ما تخلص منهم
    لازم يقتلوك قبل ولادتك
    فنصيحه لك الاخوه الي بكون عندهم حب الدفاع عن وطنهم
    طريق الانترنت هو لنشر فكر المقاومه وحب التضحيه
    هي اعمل على التاثير على الناس واكسبهم في طريق الحريه عشان يزيد امل الانتصار على هاذ العدو
    اما ما تحاول تعمل اي شي عن طريق النت مثل عمل عسكري او انظمام لعناصر او شي بهاذ الخصوص لانك هيك بتروح بدون مقابل واليهود همي اكبر ناس بكسبوا هاذ الشي
    طرق المقاومه ما بتكون في النت فما تضيعوا حالكم بدون اي مقابل
    وبتقدروا تسالوا اسرى مفرج عنهم عن هاذ الموضوع راح يحكولكم انه كل اسبوع بتم اعتقال شباب كانوا يخططوا عن طريق النت للمقاومه واخر شي حصل
    الخمس شباب الي اعتقلوهم في عرب الداخل انهم كانوا يخططوا لتفجير طيارة بوش الي كانت في اسرائيل وانهم بتبعوا للقاعده
    طبعا هذول كل قصتهم انه اتفقوا عن طريق النت انهم يصنعوا صاروخ ويهاجموا الطائره
    طبعا طريقه صناعه الصاروخ موجوده في مواقع النت الخاصه بالتنظيمات
    واتفقوا على كل شي واعتقلوهم وهمي في بيتوهم يعني خسرنا خمس شباب دون اي مقابل فكانوا ضحيه لعيوب الشبكه
    هاذ بالنسبه للشباب

    طرق التعامل مع البنات

    اما الخطر الاكبر فهو البنات وطرق خداعهن عن طريق الشبكه
    طبعا هي طريقه بسيطه وهي الاكثر استخدام عشان هيك لازم جميع البنات ينتبهن لهاذ الشي
    بحكوا مفتاح البنت قلبها متى ما حصلت عليه ملكتها
    عشان هيك في ظاهره غريبه انتشرت في المنتديات وهي انه بقوم عضو مجهول طبعا اله اسم وكل شي لكن ما في حدا بعرفه بقوم بارسال رساله لبنت من المنتدى
    بحكيلها انا شب معي شهادات وبعمل دكتور او مهنه متقدمه وضعي المادي ممتاز وببدا يحكي بمواصفات فيه بتكون كافيه انها تسحر اي بنت مهما كانت
    يعني شب في هاي المواصفات هو حلم اي بنت انه يكون متعلم كل شي متوفر اله وقادر انه يعيشها افضل حياه
    طبعا بعد هاي المقدمه منه راح يحكيلها انا معجبك في فكرك او معجب فيكي وحابب اتعرف عليكي وقصدي شريف وبعطيها رقم جواله او اميله
    بمجر انه الفتاه توافق انه تتواصل معه فهي بدت في طريق الضياع هين بقموم هاذ الشيطان بتعرف عليها واعطائها صوره عنه هي حلم بالنسبه الها وبعدها بحكيلها انه هدفه الزواج وانه كان يبحث عن شريكه حياته والمواصفات الي كان يبحث عنها وجدها فيكي ببدا اللقاء وهو بكون ايه في الجمل وشخصيه قادره على جذب اي بنت مهما كانت وببدا يسحر فيها حتى تبدا تتمنى انها تعيش معه
    وقتها بكون اخر شي ضايل عليه هو الايقاع فيها وبطرق احنا حكنيها في موضوع العملاء وبقوم باسقاطها في طريق العماله وهين بكون اسقط فتاه عمره ما عرفها واختارها من غير ما يعرف شي عنها

    طبعا هين بنوجه نصيحه لاخواتنا في المنتديات
    ما تقبلي اي رساله مهما كانت من عضو انتي اول مره بتسمعي فيه او ما في حدا بعرفه
    شب متعلم وبالموصفات الي بحكي عنها لما بده يتزوج ما راح يختار بنت من منتدى طبعا الشخص لما يلف الدنيا وتعليم وعمل مستحيل يكون ما في ولا بنت عجبته في كل تعامله في الحياه وانتي الوحيده الي عجبتيه مع انه ما بشارك او ما بحكي معك في المنتدى حتى يتعرف عليكي
    عشان هيك هو رجاء من كل الاخوات في المنتدى وكل المنتديات ما تقبلن اي رساله بتكون هيك من اي عضو ما بتعرفيه لانه هدفه راح يكون حقير فاما بده يوقع فيكي او انه يكون عنده طموح اكثر من هيك
    يعني في اعضاء بنعرفهم وبحكي معهم ومعرفين للجميع هين هذول بكون هدفهم تكوين صداقه او يمكن بجد يكونوا بحبوا لكن لما يكون العضو ما حدا بعرفه فهين بكون في علامه استفهام من رسالته
    Naheel
    Naheel

    رقيب  رقيب



    انثى
    عدد الرسائل : 494
    العمر : 29
    العمل/الترفيه : طالبة
    المزاج : تمام
    الدولة : الانترنت والمخابرات الاسرائيليه  Palest10
    نقاط : 5420
    تقييم الأعضاء : 3
    تاريخ التسجيل : 05/10/2010
    الأوسمة : الانترنت والمخابرات الاسرائيليه  Empty
    وسام مسابقة الضيف المجهول : الانترنت والمخابرات الاسرائيليه  Empty

    الانترنت والمخابرات الاسرائيليه  Empty رد: الانترنت والمخابرات الاسرائيليه

    مُساهمة من طرف Naheel الإثنين يونيو 04, 2012 10:25 am

    صحيح كلامك اخى ابراهيم

    هاى قصص كتير بقعه فيها البنات والشباب

    مشان كيدا الواحد ينتبه كويس

      الوقت/التاريخ الآن هو الخميس مارس 28, 2024 11:12 pm